martes, 20 de junio de 2023

FIN DE CURSO

 Ola a todas e todos!! 

Mañán é un día moi especial, pois marca o fin das clases deste ano escolar. É un momento emotivo de despedidas, pero tamén de celebración e diversión.  

Compartimos con vós o cartaz coa programación do último de clases:


En nome do equipo da biblioteca da Avelaiona Luiña, desexámosvos unhas felices vacacións. Que gocedes dun descanso ben merecido e volvades cheos de enerxía e entusiasmo en setembro!!



Recomendacións lectoras para o verán.

 Ola a todos os nosos queridos lectores e lectoras! 

Co verán á porta, é momento de deixar atrás os libros de texto e mergullarse nas páxinas cheas de historias marabillosas, onde a maxia e a aventura agardan por nós. E para axudarvos a escoller a lectura perfecta para as vosas vacacións, a nosa fiel compañeira Luiña está aquí para ofrecer as súas mellores recomendacións lectoras. Preparádevos para embarcarse nunha viaxe inesquecible á terra da imaxinación.

Bo verán e boas lecturas!


domingo, 28 de mayo de 2023

PERE TOBARUELA

 Este venres, tivemos unha visita moi especial no CEIPP de Cespón. Pasamos unha mañá moi entretida con Pere Tobaruela: autor de máis de 50 obras, que escribe en Catalán, Castelán e Galego.

Grazas Pere Tobaruela. No noso centro, sempre serás ben recibido !

 
 
  
 
 

Dr. Sonia Villapol.

Boas de novo! 

Seguimos presentando traballos relacionados co proxecto de biblioteca deste ano. Neste caso, son os nenos e nenas de 1º de Primaria os que estiveron enredando coa ciencia. 

Concretamente investigaron á:

Dra. Sonia Villapol Salgado

Neurocientífica galega afincada en Houston que anda na procura de tratamentos para danos cerebrais.

E fixeron este bonito mural con toda a información! Parabéns rapazas e rapaces! Bo traballo!


sábado, 20 de mayo de 2023

LETRAS GALEGAS 2023: Francisco Fernández del Riego

Onte, venres 19 de maio, clausaramos a semana das letras coa realización de actividades complementarias que xiran arredor da figura do autor homenaxeado este ano: Francisco Fernández del Riego. Así como con costumes e xogos propios da nosa terra. Unha das actividades foi a degustación de tortilla sen cebola. Ademais, servíronse rosquillas, un dos postres presentes na maioría das romarías. 
Dende aquí queremos agradecer ás familias a vosa colaboración! 

Compartimos un vídeo con algúns dos momentos do día! Esperamos que vos guste!

jueves, 18 de mayo de 2023

Mulleres inventoras

 
 
Hoxe pasámonos por aquí para amosarvos o fantástico traballo que realizaron os máis pequenos do cole.  Recordar que o noso proxecto de biblioteca deste ano trata sobre a ciencia e ten por título: "Coa ciencia experimentando, imos enredando". 
No segundo trimestre o alumnado investigou sobre algunha científca e os seus inventos e descubrimentos. 
O alumnado de 3 anos investigou e descubriu un montón de inventoras! E elaboraron este fermoso mural. Grazas rapazada por compartir con todos e todas o voso traballo!
Esperamos que vos guste!

viernes, 5 de mayo de 2023

Curso de Lettering na Biblioteca da avelaiona Luiña.

 
Na nosa Biblioteca escolar, tamén escribimos... E facémolo ademais con boa letra! 
Alumnado de 5º e 6º do CEIPP de Cespón nun curso de Lettering.